في لحظة صدق

مشرف 10 أكتوبر 2022 تعليق واحد

في لحظة صدق

في لحظة صدق من جواك مع نفسك حاجات كثير ممكن تشوفها بشكل تاني وتبدأ تجدد بروح مختلفة في حياتك.

في لحظة صفاء مع ذاتك تشوف كثير غايب عنك وتمر حياتك قدام عينيك فتكتشف نفسك وكأنك أول مرة تشوفها وتعرفها. كفاية تلوم على غيرك وترمى كل أخطاءك على الدنيا وتلوم على الناس وتتهم الظروف.
كفاية تشوف عيوب غيرك وتشوف نفسك من غير عيوب.
يكفي أن ترى عيوب الآخرين وأن ترى نفسك بلا عيب.
كفاية تقول مقدرش وتتحجج قدام نفسك أنك مظلوم من كل الناس. واجه خوفك... واجه ضعفك بأخطاءك.

اعترف لأن مفيش حد معصوم وما يفيدش الدموع واللوم.
لما تكابر مفيش شيء غلط في حياتك هيتصلح.
أنت المسئول عن حياتك وأفعالك.
أنت المسئول عن مستقبلك وأحلامك.

لو حبيت تعيش فاكر إنك مظلوم وترتاح لأنك وحدك شايل كل الهموم
أكيد هتفضل عايش متألم ومهزوم
وصعب تحافظ على أى شىء جميل فى حياتك
وصعب تشوف أى أمل أو تحس لحظة سعيدة مرت بك
لأن استغراقك وسط الهموم والحزن هيمنع عينك تشوف أى جمال فى حياتك
ويمنع قلبك يحس بمشاعر أى شخص نقى ومخلص بيحاول يسعدك.

ساعتها فعلا لازم تكون مهموم لأنك ضيعت فرص للسعادة والفرح فى حياتك أكثر مما تتخيل .

بإمكانك تعيش سعيد لما ترضى بكل لحظة تمر بك وتعرف أن الحياة فيها المر وفيها الحلو ومتقفش كثير قدام الصعب والمر إلا علشان تستوعب خبرات الحياة ومن المواقف تفهم وتتعلم ومن ألمك تكون أقوى وتدور على أى لحظة تفرح بها وتشد نفسك من الهم.

مش عيب أبدا أنك تغلط وتتعلم وكل مرة هتكون أنضج وتتعامل أكيد أفضل مع حياتك.
بإمكانك تعيش الواقع بكل ما فيه وتتغلب على صعابه بإرادتك وعزيمتك وفى كل يوم تسعى بنفس راضية وقلب طيب بدون غل وطمع وظنون أو تستسلم لضعفك وآلامك وتعيش مهزوم .

بإمكانك تعيش راضى وقادر تكمل بأمل جديد فى كل يوم أو تعيش مهموم مأزوم وكل لحظة مرة تمر عليك كأنها عمر.

فتش فى حياتك هتلاقى حاجات كثير حلوة ممكن تسعدك وناس طيبة وجودها فى حياتك يطمنك ولما تبص على حياتك بتفاؤل وحب وتحمد ربنا فى كل صبح مع كل طلعة شمس هتتفاجئ إن حياتك بطعم الأمل أصبحت أحلى وإن لسه في أيامك حاجات تتعاش.

ووسط أزمتك تفرح لانك واثق انها هتفرج ولسه العمر فيه فرحة مستنية تدق على بابك. ما دام مستنيها اكيد جاية باذن الله.

المقال السابق

القادم بوست

1 تعليق

  • ندى رؤوف

    جميل اوي اوي فعلا محتجز ومواجهة نفس وانه نسيب التوقعات السيئة يمكن متحصلش

أكتب تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *

arالعربية