عائشة حامد

كان عندي مشكلة محتارة فيها وما عرفت أخذ فيه قرار. احتاج ان يسمعني أحد اثق فيه فعلا لقيت في جلسة الكوتشنج غادة فهمت الموضوع وساعدتني في الخروج من الحيرة . والوصول للقرار المناسب اشكرها من قلبي وادعي لها في صلاتي.

نهاد مدني

بدأت و انا خايفة و قلقانة و متلخبطة و مش عارفة اعمل ايه و خلصت و انا متطمنة و هادية و مرتبة افكاري و فخورة بنفسي و فاهمة انا هعمل ايه ... جلسة الكوتشينج مع غادة Ghada Ata كانت ممتعة و مريحة و مفيدة جدا جدا .. يا ريت الكل يجرب حتي لو مش عارف تبدأ منين او تبدأ ازاي هي هاتساعدك اشكرك من كل قلبي ❤❤ و اتمني نكررها تاني ..مع تمنياتي بالتوفيق.

د. رنا حاتم

بالنسبة للاستشارات ف غادة فعلا بتلحقنى فى حاجات كتير مش بس لانى بثق جداا فى وجهة نظرها و حكمها عالامور و خبرتها لكن ساعات لما بنكون جوة الموقف مبنعرفش نتصرف مش بس نتصرف صح او غلط انا من الناس اللى اتحطت فى مواقف كنت مش عارفة اتصرف اصلا و مش عارفة اعمل ايه هنا بيجى دور غادة اللى مش بتوجهنى اعمل ايه بس بتوضحلى الامور اللى انا مش شايفاها و بشوفها اوضح فبعرف اتصرف او اخد قرار صح او غلط بالنسبة للناس مش مهم المهم انه فى الاخر قراري.

د. رنا حاتم

انا حضرت جلسات life couching مع كوتش غادة عطا و قدرت بعدها افهم نفسى اكتر و ازاى اتعامل مع التحديات اللى فى حياتى غادة عطا انسانة مريحة جدااا جداا لابعد الحدود و كنت بتكلم معاها براحتى جدااا كأنى بتكلم مع اختى فعلا.

ندى عبد الرؤوف

بالنسبة بقى للاستشارات معاكي♥️♥️♥️ انا شخص كان بيخاف يحكي عامة وبعدين في فترة اضطريت احكي في حياتي واما حكيت لناس فهمت قد ايه اهميه تأثير الكلمة المتزنه العاقلة بدون انتقاص من مشاعري او تقليل منها او تهويل ليها وتضخيم الامور اكتر مما هي عليه مش كل الناس بتعرف تسمع ومش كل اللي بينصح بيعرف ينصح اصلا! حقيقي معاكي الموضوع مختلف تماما لأن ارائك حكيمة وعملية وبتدي اهمية لمشاعري (you validate my feelings) يعني اوقات بالذات للستات اما حد ينصحهم اللي بتنصح تلاقيها بتقول "انت اللي مكبرة الامور" "عادي كل الناس كده استحملي"دي في خد ذاتها كلمات مستفذه جدا!! فاقرار المشاعر باحس انه ٥٠٪؜ من حل المشكلة اصلا بدون مبالغة ودي حاجة بتعرفي تعمليها ببراعة ♥️♥️ ما شاء الله دايما اشوف ان موهبتك في الاستشارة والنصيحة فطرية من ربنا♥️♥️♥️♥️ غير العلم والاجتهاد والكورسات والشهادات اللي عارفة انك اخدتيها ودايما حريصة انك تطوري وتشتغلي على نفسك مهما مان مستواكي عال ما شاء الله اصلا♥️ بحد كلماتك بتبقى طوق النجاه ♥️ وعن تجربة عملية ♥️♥️ بل تجارب نصايحك عمرها ما خيبت معايا ابدا ♥️

د. تيسير صابر

عارف يعني ايه تبقى متلخبط وتلاقي حد ياخدك بالراحة كده واحدة واحدة يعدي بيك الطريق لا وكمان يطلع بيك السلم...لا ومن اول مرة ❤️. عارف يعني ايه يبقى بينك وبينه مسافات ومئات الكيلومترات ويقدر يوصل لكل تفصيلة جواك ويفكلك اللخبطة اللي انت عايش فيها بمنتهى الهدوء والاحترافية والتأثير وبلا أي ذرة تردد حد من نبرة صوته تعرف انه محترف وواثق من قدراته وامين على مشاعرك ومخاوفك وقادر انه ياخذ بإيدك ويساعدك تعدي منها.شكرا غاده عطا Ghada ATA على التغيير اللي حسيته من مرة واحدة بس كوتشينج ومتطلعة للمرات القادمة أكيد. 💖💖

هشام عويضة

انا احد عملاء الكوتش غادة وحضرت اكتر من اربع جلسات خلال فترة 8 اسابيع تقريبا. صراحة كانت جلسات في موضوعات مختلفة وكانت موفقة لأني قدرت من خلال الجلسات استكشاف افكار جديدة ما كنت فكر فيها او خطرت على بالي وقدرت الحمد لله من ايجاد حلول ساعدتني اكون في وضع افضل. الاستاذة غادة عندها حس الانصات والملاحظة الجيدة والقدرة على استشارة التفكير والتفكر. هشام عويضة

ميساء الأشموني

كنت قبل ما اتكلم معاكي كان جوايا طاقة سلبيه رهيبه، اتكلمنا حول السلبيات والخوف وعدم الثقة اللي كنت فيها وطلعت بعكس اللي فات الثقة رجعت لاقيت حلول إيجابية تفكيري اتغير ، كنتٍ ومازلتٍ أعظم كوتش معايا بالتوفيق دايماً ❤️

ندى عبد الرؤوف

انا حابة اقول رأيي بخصوص الكوتشينج ♥️ معاكي بجد انا باتفاجأ بكمية المعلومات اللي عقلي مخزنها والتفاصيل عن الموضوع اللي بنتكلم فيه! يعني بابدأ الجلسة وانا عارفه عايزه اتكلم في كذا او في مشكلة كذا بس بابقى مش عارفة ابدأ منين او احكي اقول ايه زي ما بيقولوا كده منين يودي على فين😅 لكن مع اسئلتك وتوجيه عقلي انه يركز في طريق حل المشكلة عن طريق فردها وعرض كل جوانبها وسلبيات وايجابيات الموضوع 🗺️📍فبترسمي بجد خريطة ذهنية رائعة لعقلي يبدأ بتسلسل يشوف الموضوع واسبابه ونتايجه والاوبشنات المتاحة وهكذا والاحلى واحلى بقى انك مش انتي اللي بترسمي الخريطة بالعكس ده عقلي وكلامي هو اللي بيرسملي خريطتي الذهنية بناءا على خياراتي انا 🧠🛣️ وده بيخلي عندي ثقة اكبر في قرارتي وفي mental power بتاعتي واني اقدر افكر كويس ليه لأ ⚡️🧠💪💪 كأنك بتشيلي السموم اللي الواحد بيدخلها في تفكيره من توتر ولخبطة وتردد وعصبية وسموم الاخرين بيبثوها فيه من نقد هدام ونفسيات توكسيك بنتعرض ليها كل ده بيتفلتر ويتساب مكانه عقل هادي رايق ومنظم 🍀☺️ وواثق في نفسه🥰